La Bandina n'Uviéu y Lluces

La formación liderada pol gaiteru Santi Caleya actua esti fin
de selmana n'Uviéu y Colunga.



L'actuación n'Uviéu forma parte de les actividaes entames
del mercáu Astur que va haber esti fin de selmana na capital del
Principáu con motivu de la feria de
l'Ascensión. El mercáu va tar situáu nes cascu vieyu
d'Uviéu dende la mañana del sábadu 17, y
"La
Bandina" va actuar el sábadu pela nueche nel propiu
mercáu. Durante esta feria de l'Ascensión vamos poder visitar una
feria de luthiers, disfrutar de actuaciones de grupos de baille y bandes de
gaites. El platu fuerte d'esta feria de l'Ascensión va ser
l'actuación na plataforma de la Renfe a les 21:30 d'esta nueche del
gaiteru Jose Ángel Hevia, onde va volver a presentar n'Uviéu'l so
discu "Étnico
ma non Troppo".



Pal domingu tamién hai otra opción pa disfrutar d'una
fiesta asturiana con música del país. Esta vegada ye nel conceyu
de Colunga, esactamente nel pueblu de Lluces, onde celebren les sos fiestes esti fin
de selmana con un programa bien llargo d'actividaes. Pal domingu tan reservaes
delles actividaes rellacionaes cola música asturiana, pela mañana
va actuar la banda de gaites "La Quintana" de Xixón,
dirixía por Santi Caleya y que ta formada por alumnos de la Escuela de
Música Tradicional la Quintana de Xixón. A les 19:00 hores
tendremos tonada colos cantantes Ismael Tomás y Rosi
Fernández acompañaos a la gaita pol ganador del Macallan Oscar
Fernández, pa finar actuará "La Bandina" a eso de les
20:30 hores. Per otru llau, el gaiteru Santi Caleya va dar una charra sobre
"La Gaita na Tonada" esti llunes día 19 a les 20:00 hores nes
instalaciones de la Escuela Municipal de Música d'Uviéu, campu de
futbol puerta cero.