Jorge Méndez, con discu nuevu

Con esti "Diañu Bailón" yá son siete los discos d'esti músicu multistrumentista, que representa una forma de componer y arreglar enforma distinta de la que tamos avezaos.EL "Diañu Bailón" ye un trabayu con un soníu diferente a los discos anteriores de Jorge Méndez, mayor númberu de programaciones acompañen al restu d'instrumentos. Instrumentos grabaos na so mayoría pol propiu Jorge, pianu, clarinete, flauta, guitarres, percusiones y les propies programaciones salen de les sos manes, y la única collaboración ye la del gaiteru Borja Baragaño.El discu ta compuestu enteru pol propiu Jorge Méndez, que tamién fizo la producción, n'estudios d'Asturies y Madrid. Como nos esplicó'l mesmu Jorge, el discu pue escuchase como si fuera una sola canción, ya que toles pieces van enriestraes siguiendo un desarollu unitariu.Agora mesmo Jorge ta iguando'l direutu d'esti discu con músicos de Madrid, preparando una xira que cuenta con poder traer hasta Asturies. Méndez tamién ta valorando una ufierta pa facer una xira per Estaos Xunios, tres l'ésitu collecháu cuando acompañó a Brenga Astur pel país de les galletines salaes.

Contador Estadistiques