Israel aprieta a Arafat

Tres una selmana de violencia n'Israel y Palestina, y tres l'ataque del exércitu israelín contra los símbolos de l'autonomía árabe, como la radiotelevisión oficial palestina, que cayó esta fin de selmana, rúxese per ende que'l presidente palestinu Yasser Arafat podría dimitir d'equí en pocu tiempu. El diariu francés Liberation anúncialo esta mañana en lletra bien grande na so sección d'internacional. La noticia tan espardiéndola sobremanera lo peródicos hebreos, que dicen qu'Arafat marchará bien pronto al esiliu pola fuerza o por decisión propia.El presidente palestinu ta intentando per tolos medios que nun cuaye la campaña de descréditu que tan faciéndo-y dende bien de medios n'Israel. Asina, esti fin de selmana, el so gobiernu convocó una manifestación d'apoyu a la que foron más de diez mil persones. La guerra de propaganda ente los dos grandes enemigos tampoco nun escuende que, anguaño, bien de la población de Palestina yá nun sigue a Yasser Arafat. Edward Said, el mayor espertu na tema, esplica nesti artículu los porqués de lo qu'elli interpreta como la fin d'Arafat.

Contador Estadistiques