Inaugúrase la Casa de la Llingua

La Casa de la Llingua, el primer muséu dedicáu a estudiar y dar a conocer la llingua asturiana, inaugúrase güei en Corvera. Anque n'agostu va facese otru actu oficial cuando yá haya equipos de gobiernu formaos, dende güei yá pue visitase esti nuevu equipamientu cultural, que llega con un retrasu de cerca de dos años por problemes na construcción del espaciu. Con un presupuestu de más de 120.000 euros, la Casa de la Llingua componse d'una casería y d'un horru que ñacen como muséu col oxetivu de ser quien a llegar a les 4.000-5.000 visites al añu. Pa llegar a esti númberu de visites, la Casa de la Llingua quier potenciar el ser un muséu vivu qu'ufierte, aparte de los conteníos más científicos, actividaes y xuegos qu'alleguen a los rapacinos y al entornu social corverán al centru. Como muséu vivu, la Casa de la Llingua quier tamién ser centru d'estudiu y va espublizar los sos propios llibros y interactivos