Inauguraes les obres na Catedral d'Uviéu

El Presidente asturianu, Vicente Álvarez Areces y l'arzobispu d'Uviéu, Carlos Osoro, inauguraron güei les últimes obres de remocique na Catedral d'Uviéu. La sé basilical asturiana estrenó güei la restauración del espectacular claustru góticu y les obres na cubierta de la ilesia de Santa María La Real. Les obres costaron un total de 3.610.984 euros, de los que l'alministración autonómica punxo'l 61%. Otru 35% corrió por cuenta del Gobiernu Central y el restu punxéronlo'l cabildu y particulares

El mal estáu de dellos de los elementos a restaurar complicó enforma les obres y obligó a facer proyecciones de láser y siguimientu d'aplicaciones de productos y tratamientos de toles partes a tratar pa ser a recuperar toles talles y pintures del claustru góticu, recuperándose bien de pieces policromaes y delles de les testures orixinales. Otramiente, el proyectu contempla sacar del Claustru los afayos arqueolóxicos que guarda, que van mandase pal pisu superior de la catedral, enxertándose nel Muséu de la Ilesia.