HC controla la filial de renovables SINAE

Hidroeléctrica del Cantábrico fízose col venti per cientu del capital que l'aseguradora Mapfre tenía en Sinae, la filial de la eléctrica asturiana en materia d'enerxíes renovables, quedando anguaño'l repartu d'acciones con un 20% pa Caja Madrid y un 80% pa HC. Sinae ta desarrollando anguaño proyectos de parques eólicos por importe de 350 millones d'euros n'Albacete, Burgos, Soria y Asturies, onde tien daos de pasu proyectos n'Allande, Grandas de Salime y Curiscao, na raya ente Salas y Cuideiru.
La coxeneración (xeneración d'electricidá y calor), centrales minihidráuliques, plantes de quema de residuos y biomasa, son otres actividaes que contempla'l llabor de Sinae, que tamién tien participación n'andaluza de renovables Becosa