Guía de les aves de Xixón

A les seyes d'esta tarde preséntase na escuela pública "Begoña" de Xixón la "Guía de les aves acuátiques de Viesques y el Parque d'Isabel La Católica", una obra editada pol Ayuntamientu de Xixón, l'asociación de vecinos de Viesques y l'autor del llibru, Santiago Martín González.

Con una tirada de 3.000 exemplares el llibru va repartise de baldre a los vecinos y miembros de l'asociación, llegando a les llibreríes a un preciu simbólicu de dos euros. El trabayu inclúi un total de 44 fiches d'especies d'aves acuátiques, toes elles atopaes y retrataes nel barriu de Viesques, una de les partes del Xixón yá urbanu dafechu pero qu'entovía tienen una bayura natural bien curiosa.