Greenpeace da l'alarma pol calentamientu

La organización ecoloxista Greenpeace ve na fola de calor que ta abrasando Europa un síntoma evidente del cambéu climáticu, y pide-y al estáu español que faiga un esfuerzu "ensin precedente" p'amenorgar la emisión de gases a l'atmósfera.

Según Greenpeace, les emisiones de CO2 a l'atmósfera n'España nel añu 2.002 punxéronse un 38,5% penriba de les del añu 1.990, que foi el que se tomó de referencia cuando se firmaron los Alcuerdos internacionales de Tokio sobre contaminación a l'atmósfera. Estos gases son responsables del calentamientu global de l'atmósfera, y Greenpeace ve na fola de calor que ta sofriendo Europa nesti mes d'Agostu, y que se manifiesta n'Asturies con temperatures másimes hasta 10 graos penriba de la media, un adelantu d'esti calentamientu. Laorganización recueye les opiniones d'espertos como John Schellnhuber, del centru Tyndall, quien diz que la situación a la que llevó esta fola de calor nun se contaba con ella hasta d'equí a la vuelta de venti o trenta años. Lamesma Greenpeace diz que nel Ríu Elba, que se desbordó nel veranu del 2.002, el caudal nun llega al mediu metru

Según Greenpeace, 9 de los 10 años más calientes de 1860 p'acá correspuenden a la década de los 90 y l'actual, polo qu'urxe atayar la emisión de CO2 a l'atmósfera