Greenpeace atropa 39 puntos negros na costaasturiana

Greenpeace asoleyó ayeri l'informe "Destrucción a toda costa 2.003" nueva que tolos años igua la prestixosa organización ecoloxista sobre l'estáu de la costa española. L'equipu de Greenpeace atropó esti añu 1.686 puntos negros per tol estáu, una cantidá muncho más grande que la del 2.001 y na qu'influyen directamente los resultaos de la catástrofe del Prestige, anque nun ye, nin con muncho, galipote tolo que mancha. Los 20 planes del Ministeriu de Fomentu pa enanchar infraestructures portuaries tamién salen na llista con calificación especial, rescamplando ente elles l'ampliación delPuertu de El Musel de Xixón, proyectu que pa Greenpeace tien unes dimensiones "estravagantes" que dicen muncho de la
irracionalidad
d'un Ministeriu (el de Fomentu) que marafundia'l dineru en proyectos ensin xacíu

L'informe atropa n'Asturies un total de 39 puntos negros, y, anque diz que los más d'ellos son por culpa de la marea prieto, yá primero de que llegare'l galipote esistíen informes que prendíen l'alarma sobre l'estáu de delles playes asturianes, citando u estudiu de la UE y el ministeriu de Sanidá con fecha del veranu del 2.002. La cantidá d'obres que tan faciéndose na fachada costera tamién son otru de los puntos prietos delinforme, que-yos dedica separtaos especiales al efectu negativu sobre los sablones de les obres pa poner paseos marítimos (casos de Salinas y Ribeseya) y tamién a la política de rexeneración de playes con sable sacao del fondu la mar, un asuntu d'actualidá estos díes pola obra de rellenu de la playa de Salinas con 500.000 mts3 de sable d'un pozu onde se pesca'l calamar enfrente de Cuideiru.

L'informe enteru de Greenpeace sobre la costa asturiana nel 2003 pue descargase dende esti enllace