González-Nuevo toma posesión como diputada na Xunta Xeneral

La popular sustitúi a Pablo González Menéndez, qu'escoyó siguir como senador al nun poder compatibilizar entrambes actividaes.

Nuria González-Nuevo, númberu 14 de la llista del Partido Popular (PP) pela circunscripción central, tomó posesión esta mañana na Xunta Xeneral como diputada. La conceyala en Castrillón, diplomada en Ciencies Empresariales pola Universidá d'Uviéu nacida nel 1981, xuró'l so cargu al entamu de la sesión.

La intención de la yá diputada ye compaxinar el so llabor nel Parllamentu col d'edil y teniente d'alcalde, lliberando'l so trabayu como profesora de Secundaria y de Formación Profesional nel IES Islla de la Deva. Ocupa l'escañu de González, que decidió dexar el de la Xunta Xeneral pa centrase na so función de senador.

Ésti ye'l segundu cambiu que fai'l grupu parllamentariu popular. Enantes, n'ochobre, Pedro de Rueda, númberu 13 de la llista pela circunscripción central, sustituyó al que fora candidatu del PP, Diego Canga.