Getafe 1 - Uviéu 1

L'equipu carbayón volvió de Madrid con un puntu que val pa nun perder el tren de la permanencia, que sigue a tiru de tres puntos, pero tamién cola impresión de que los asturianos siguen sin tar en condiciones de garralu. Anque'l madrugón debió senta-yos mal a los azules, el malísimu primer tiempu que firmaron nun se compensa de nenguna manera col segundu, que xugaron más curioso y polo menos pudieron empatar el partíu gracies a Losada tres del gol qu'encaxaren al cuartu d'hora de xuegu. Y ye que, contra un rival de la parte media - baxa de la tabla, los de Sánchez teníen obligación de ganar pa salir del pozu. Polo menos, l'aplomu en defensa, onde Yago foi una garantía, demuestra una pequeña meyora, anque los fallos n'ataque pesaron demasiao.