Getafe 0 - Sporting 1

Nun estadiu que se-y da mal como pocos dende que baxó a segunda, el Sporting de Maceda empató'l cuartu trunfu seguíu gracies a un gol de Xuan, qu'aprovechó una xugada de Villa, otra vegada referencia del equipu, pa marcar el gol que valió pa ganar. El Sporting comió al Getafe y tuvo abondes ocasiones pa marcar más goles, pero anque nun convirtió nenguna, viose quien yera meyor nel campu. Na segunda parte, los asturianos baxaron el pistón, pero amarraron bien atrás y cortaron toles ocasiones de peligru de la estrella del Getafe, el rumanu Craioveanu. Con esti resultáu, el Sporting, que diba l'últimu va mes y mediu, mángase yá na décima posición y asoma'l focicu p'arriba, col ascensu a cinco puntos. Con too y con ello, Villa vio la quinta mariella y nun va poder xugar nel partíu col Zaragoza, gallu de la categoría qu'ayeri ganó tamién y sigue de líder indiscutible de la segunda división.