García Cortina protagoniza un esprín espectacular pa ganar el GranPiemonte

|
Iván García Cortina ganador del CVI GranPiemonte

Esta clásica ye'l primer trunfu de la temporada del ciclista xixonés de Movistar.

Iván García Cortina ta acabando la temporada nun gran estáu de forma, como amuesa l'esprín que-y permitió esta tarde ganar el CVI GranPiemonte, una carrera de 198 quilómetros con salida n'Omegna y final en Beinasch. Depués de lluchar pola plata nel Mundial de Wollongong, nesta ocasión superó una mala colocación depués de la última curva p'adelantar a tolos rivales d'un grupu reducíu y dedicar el trunfu na meta al so fíu nacíu recién.

Nel mesmu taben l'eslovenu Matej Mohorič (Bahrain Victorious) y el francés Alexis Vuillermoz (TotalEnergies), segundu y terceru, de manera respeutiva. Con esti trunfu, primeru del añu, el de Movistar suma'l so terceru profesional depués de los algamaos na quinta etapa del Tour de California (2020) y na tercera de la Paris-Nice (2021).

Semeya propiedá de la organización del GranPiemonte.

 

Contador Estadistiques