Ganadores del concursu al meyor cantar

Yá hai ganadores de los premios del concursu "escueyi'l meyor cantar n'asturianu 2.003". Los premiaos de la rifa que se fizo ente los más de 500 votantes que participaron na fase d'aniciu del concursu, na que s'esbilló a los trés finalistes, son David Xosé Suárez de la Calle, del conceyu de Corvera, y Lorena Menendez Rodriguez, del Conceyu de Mieres. Dambos van recibir caún un llote iguáu pol discu compilatoriu de la casa de discos L'Aguañaz "10 años d'independencia", y otru discu compilatoriu, el doble CD"Nel Cantu la Memoria" de la casa de discos Fonoastur, ello xunta la edición del 2.003 del Anuariu de la Música Asturiana y la edición 2003 de la guía del buscador "Úlos?".

Dende Asturies.com, felicitamos a los ganadores y afalamos a los lectores a siguir participando na fase final d'esti concursu dende la sección Conceyu Abiertu. Na votación, que va tar abierta hasta'l 31 de xineru, va ganando pel momentu'l cantar "Brañas d'antanu" de los Gatos del Fornu, que yá s'impunxere na primer fase de la votación.