Frena l'aumentu de contaxos de coronavirus

D'una media diaria de 32 casos nuevos, la selmana pasada baxóse a 29.

Depués de vivir un ochobre d'aumentu de contaxos, anque siempre moviéndose en cifres poco esmolecientes, l'espardimientu del coronavirus SARS-CoV-2 vivió un frenazu cola entrada de payares. Dende la cayida más baxa de casos, rexistrada na selmana última de setiembre con 11 diarios de media, n'ochobre foi medrando hasta los 32, que desciende hasta los 29 cola actualización última.

La evolución foi asina: 11, 13, 17, 22 y 32, hasta los 29 actuales. Nos 7 díes últimos el númberu total de positivos algama la cifra de 200 positivos, polos 222 de la selmana anterior.

Xuben les hospitalizaciones

Lo que sí creció foi la cantidá de persones hospitalizaes, de 27 a 34. En planta hai 26 con confirmación o sospecha de COVID-19, 4 más, y na UCI 8, 3 más.

Na selmana hebo que llamentar una muerte, la 2.081 del andanciu.

Na semeya, una de les primeres ciudadanes en recibir la tercer dosis de la vacuna de la COVID-19 conxuntamiente cola del gripe, la selmana pasada.