Fomentu anuncia inversiones en carreteres

Según l´anuncia del Ministeriu de Fomentu Asturies ye, xunta Cantabria les comunidaes onde más perres van invertise nel caltenimientu y ampliación de la rede de comunicaciones viaries. Les inversiones previstes pol ministeriu del Estáu Español pa tola rede estatal de carreteres nel 2.003 algamen los 2.662,39 millones d´euros. Según diz el Ministeriu de Fomentu Asturies ye la comunidá uniprovincial que más perres recibe pa carreteres. Les comunidaes autónomes más beneficiaes son Andalucía con 216,164 millones d´euros, Castiella y Llión con 201,017 millones d´euros y Aragón con 111,741 millones d´euros.

A la contra La Rioja y les Islles Baleares son les que menos inversiones van tener nes sos infraestructures de comunicaciones, mentantu qu'Asturies va recibir 183,9 millones d´euros, de los que 10,1 van dedicase a meyorar y caltener les infraestructures d´anguaño y 173,85 van dir pa facer nueves carreteres, enxertándose nesta estaya como principal gastu la construcción de los tramos de l'Autovía del Cantábricu.