Folk de Cámara n'Asturies.com

Güei ufiertamos la posibilidá a los nuesos llectores d'escuchar dos cantares d'ún de los tríos que participaron nel ciclu Folk de Cámara del pasáu mes de payares en Xixón.

Aquel ciclu de conciertos desenvolvióse nel Muséu de la Casa Natal de Xovellanos de Xixón, y aconceyó a un bon númberu de conocíos músicos de folk asturianu. Ún d'esos tríos foi'l formáu por Rubén Bada cola guitarra y el bouzouki, Dolfu Rodríguez col vigulín y Diego Pangua nes xiblates. Del repertoriu qu'echaron nel so conciertu güei ufiertamos a los nuesos llectores, por cortesía de los músicos, dos cantares grabaos en directo naquella ocasión. Los cantares en cuestión son dos amiestos de temes tradicionales asturianos con una pequeña aportación gallega.Los amiestos tan formaos por Pasucais de Remis/ Gallegada d'Astierna/ Muñeira de Navia de Suarna'l primer tema, mientres que'l segundu fórmenlu los cantares O Chao/ Gallegada de Caldueñu/ Pis Pis. Nes próximes selmanes pondremos a disposición de los nuesos llectores cantares d'otros tríos que participaron nesti ciclu de Folk de Cámara.

Pa baxar los cantares calcar en Cantar 1 y Cantar2