Festival Intercélticu d'Avilés

Na tarde d'ayeri presentóse oficialmente'l programa de la VII edición del Festival Intercélticu d'Avilés y Comarca.

Avilés acueye un añu más esta iniciativa que nació col oxetivu de convertíse nun festival de referencia. Pa ello la organización apuesta por un modelu de festival asemeyáu al intercélticu de Lorient. Esti añu'l festival dedica la so edición a Escocia, esta nación va tar representada pola banda de gaites "Johnstone pipe band" y el perconocíu grupu "Wolfstone", amás tamién va haber delegaciones representantes d'Irlanda, Bretaña, Galicia, Valladolid, Burgos.

El programa ye bien llargo, conciertos, muestres, cursos, desfiles...etc, y ocupa del 25 de xunetu al tres d'agostu. N'Asturies.com ufiertamosvos la posibilidá de consultar el programa completu na nuestra web nesta dirección.