Fernando Alonso nel cumal del caxón del GP d'Hungría

Ya-y lo dixere a la so güela "voi ganar n'Hungría", y ganó. Dominando dende la primer vuelta y afitando les sos declaraciones previes onde dicía qu'esti circuitu d'Hungaroring yera un de los que meyor veníen pal so coche.

"El meyor día de la mio vida", ansina de contundente declaraba F. Alonso al finalizar la carrera. Y nun yera pa menos, con 22 años y 26 des conviértese nel pilotu más mozu en ganar un Gran Premiu. Esti record sumase a los que ya tien: podium más mozu, "Pole" más mozu y vuelta rápida más mozu… por eso nun ye d'estrañar qu'en Francia ya lu comparen col so gran ídolu Alain Prost. Esti pilotu foi l'últimu en ganar pa Renault fai veinte años (nun contamos les victories solo como motorizador del equipu Williams a principios de los noventa).

Dempués d'esta victoria Alonso ponse quintu nel de Campeonatu del Mundu con 54 puntos. Una apretada clasificación que tien de cabezaleru a Michael Schumacher con 72 puntos (que nun pudo pasar del octavu puestu nesta carrera), un menos tien P. Montoya , 70 K. Raikkonen y yá más distanciáu R. Schumacher con 58. Raikkonen segundu y Montoya terceru completaben el podium Hungría.

Un de los momentos más emocionantes de la carrera foi cuando Alonso dobló a M. Schumacher a poques vueltes del final. Esti fechu pue reflexar el relevu xeneracional na Formula 1. "Alonso vince, Schumi trema"