Fernando Alonso, nel caxón

El pilotu asturianu Fernando Alonso xubió al caxón nel Gran Premiu d'Australia, carrera qu'entamaba'l mundial de Fórmula 1. El Renault d'Alonso namás nun pudo que colos Ferrari de Schumacher y Barrichello, que salieron mui fuerte y nun afloxaron en tola carrera. Trés d'ellos y de Montoya y Button salía na parrilla l'asturianu, que fizo una arrancada de llibru ensin tener ayuda electrónica (prohibida esti añu). Asitiáu en tercer puestu, Alonso rodó más fuerte que los sos perseguidores y que l'otru Renault de Jarno Trulli, qu'acabó sétimu a 1 vuelta de diferencia. Otramiente, la carrera foi plana y ensin sustos y nun hubo adelantamientos nin maniobres pa la moviola sacantes los cambeos de posición nes entraes a boxes. Lo quedó claro ye que los coches encarnaos son l'enemigu a valtar, en cuantes que les dos escuadres anglo-alemanes, McLaren - Mercedes y Williams-BMW ficieron mui mal papel, y que namás el Renault d'Alonso va poder amarga-yos dalguna carrera esti añu.