Felpeyu da la bienvenida a la primavera

El Xardín Botánicu de Xixón entama una fiesta esti sábadu pa celebrar la llegada de la primavera, ellí va tar presente la música de los xixoneses "Felpeyu".

Anque esta fiesta taba anunciada de mano pal domingu pela mañana, los responsables del Xardín Botánicu decidieron pasala pal sábadu de tarde pol riesgu de lluvia. Les actividaes van entamar a les 16:30 hores, y va haber un mercáu floral y puestos de productos ecolóxicos y artesanos, amás d'actuaciones de títeres pa la reciella. Pa les 18:15 hores ta prevista l'actuación de los xixoneses "Felpeyu" que van poner soníu a esta Fiesta del Equinociu de Primavera. La entrada tien un preciu de de 3,5 euros, perres que paguen la pena dar por visitar el Xardín Botánicu y escuchar a los responsables de "YÁ!".