Estrenes na cartelera

La cartelera de les sales asturianes ufierta bien d'escuses pa dir al cine esti fin de selmana. El director suecu Lasse Halstrom, que trunfare va años nel Festival de Cine de Xixón con "La mio vida como un perru" estrena esta selmana'l melodrama "The Shipping news" (traducíu como "Atando cabos"), con Kevin Spacey. Más dramón, y con traza de llevar óscar, ye la última de Sean Penn "Yo soi Sam" onde fai de discapacitáu mental que quier que-y devuelvan la custodia de la so fía. Otramiente, Fernán Gómez y l'arxentinu Leonardo Sbaraglia son los protagonistes de "Na ciudá ensin llendes" una película agobiante de suspense Aparte de les estrenes, siguen na cartelera asturiana títulos raros de ver como la bosnia "En tierra de naide" una comedia qu'espeya la guerra de Yugoslavia como un circu al serviciu de los medios de comunicación fecha por un director qu'echó la guerra de verdá rodando documentales.Pa dir a ver estes o cualquiera de los más de cuarenta títulos que ser proyecten esta selmana n'Asturies, pues consultar los horarios na cartelera d'Asturies.com

Contador Estadistiques