Estos son los documentos del "pautu revisáu"

Ufiertamos-yos a los nuestros llectores los documentos coles tres páxines del alcuerdu real de gobiernu ente IX-BPA y FSA-PSOE. Los tres documentos d'imaxe ( páxina1, páxina 2 y páxina 3) son escaneos de la versión definitiva del pautu de gobiernu que llegó a la nuestra redacción, y los puntos en qu'hai diferiencies cola redacción que tolos asturianos y asturianes conocíemos tan marcaos en mariello. La redacción inicial del alcuerdu, na que toos creíemos hasta agora y que s'espublizó en xunetu, yera la que pue lleese nesti documentu, qu'Asturies.com tien na rede dende'l mes dexunetu

Depués de llegar a nosotros la copia d'esti documentu el martes 7, l'equipu de redacción d'Asturies.com punxímonos nun llabor d'investigación pa saber la veracidá d'esti documentu. Los primeros contactos telefónicos nun nos permitieron sacar nada en claro, en cuantes que los representantes políticos que contactemos dieron toos versiones contradictories, anque pocos foron los que descartaron dafechu la esistencia d'una versión "remocicada" del alcuerdu de gobiernu. A la fin, esta mañana, dende la Conseyería de Xusticia unviaben a la nuestra redacción la versión definitiva del pautu a oxetu de que comparáremos cola que taba na redacción d'esti diariu. Según foron saliendo les fueyes del fax, yá nun quedaba dulda: los dos documentos yeren calcaos. Queda por saber por qué se ficieron estos cambeos y, sobremanera, por qué nun se mandaron a los medios de comunicación, qu'engañemos, ensin querelo, a tolos nuestros llectores.