"Esta Selmana de les Lletres foi la que más repercusión social tuvo", afirma Antón García

|
Xandru Fernández, Marta Baquero y Antón García catálogu esposición de Nel Amaro

"Ente toos consiguimos devolver l'arrogancia que tuvo Nel Amaro pa cola cultura asturiana", añadió'l direutor xeneral.

La sensación xeneral sobre'l desendolcu que tuvo la XLII Selmana de les Lletres Asturianes, que l'actu d'ayeri de presentación del catálogu de la esposición ‘Nel Amaro-Postal/Visual’ peslló de manera oficial magar que l'amuesa pue visitase hasta mañana, yera de satisfaición. Tanto Antón García como'l coordinador Xandru Fernández y la vilba del de Quentuserrón, Marta Baquero, reconocieron tar contentos pol resultáu final de toles actividaes y materiales asoleyaos, asina como'l recibimientu que tuvieron ente'l públicu.

"Esta Selmana de les Lletres foi la que más repercusión social tuvo, seguramente porque la figura de Nel Amaro ye popular; ye una persona cercana a nós, que conocimos, que tratamos, que participó nos mesmos eventos, como Xuntes d’Escritores, recitales, publicaciones… Y de dalguna manera ente toos consiguimos devolve-y esa arrogancia que tuvo pa cola cultura asturiana", espresó García.

El responsable de Política Llingüística emponderó tamién "l'acertáu diseñu de la imaxe de Nel Amaro" de Marco Recuero. "Convirtió a Nel Amaro, que de dalguna manera yá yera un personaxe incónicu, nuna marca que pue tener tovía gran recorríu" y que va permanecer nel logu del Premiu y Festival Nel Amaro de Teatru Profesional en Llingua Asturiana o Gallego-asturiano, del que yá ta convocáu la quinta edición.

Na semeya, Fernández, Baquero y García.

Contador Estadistiques