Espublizaes les notes del B2 y el C1 d'asturianu

|
Esámenes B2 y C1 d'asturianu

Esta selmana finaron les pruebes orales.

Educastur ta acabante d'espublizar les notes de les pruebes de certificación de Llingua Asturiana adaptaes al Marcu Común Européu de Referencia celebraes el 9 d'ochobre, na parte escrita, y a partir del 18, la parte oral. 476 persones teníen derechu a esame depués d'abonar les tases, 283 al nivel intermediu B2 y 193 al avanzáu C1, dándose una cifra pequeña de 'non presentaos'.

Pa consultar les notes hai qu'entrar na estaya 'Lengua asturiana' del portal educativu del Gobiernu. Ehí ye posible acceder a les actes de calificación según la comisión evaluadora y atopar el resultáu, 'aptu' o 'non aptu', al traviés del Númberu d'Identificación Escolar recibíu al formalizar la matrícula.

P'aprobar ye necesario tener un 5 en caúna de les pruebes feches y, polo menos, algamar una media de 6 ente toes elles.

Na semeya, un grupu d'aspirantes esperen pa entamar cola prueba de producción y coproducción de testos escritos nun aula de la Facultá de Formación del Profesoráu y Educación de la Universidá d’Uviéu.

Contador Estadistiques