España, únicu estáu d'Europa que fabrica DDT

La organización ecoloxista Greenpeace congracióse pola la ratificación esti miércoles por parte de Francia del Conveniu d'Estocolmo sobre Contaminantes Orgánicos Persistentes, los nomaos COPs. Pa la organización esti ye un trunfu pal mediuambiente. Según Greenpeace, los COPs son sustancies que tan presentes nos texíos de casi tolos humanos.

Francia convertióse nel país númberu 50 en roblar esti documentu, y al algamase esti númberu de firmantes el conveniu garra la validez necesaria pa ser un documentu de cumplimientu obligáu. En 90 díes de plazu, el conveniu va pasar a ser mandáu llegal y va obligar obligará a los gobiernos d'esos 50 países a dexar d'emplegar eses sustancies tóxiques, ente los que ta'l famosu DDT, el primer plaguicida que se gastó en grandes cantidaes na agricultura mundial y que, anque valió na llucha contra la malaria, retirose de la fabricación en conociéndose los sos gravísimos efectos pa la salú y l'altísima persistencia que tenía en mediu ambiente, en cuantes que nunca nun llegaba a disolvese dafechu.

Sicasí, España ye, a día de güei, l'únicu estáu d'Europa y ún de los cinco en tol mundu qu'entovía produz DDT pa la fabricación de Dicofol, un insecticida que se gasta pa controlar plagues en viña. España tamién ye ún de los estaos que sigue ensin firmar el conveniu d'Estocolmo, que contempla tol catálogu de COPs, nel que s'enxerten otros productos como los PCBs, que s'usaben mayormente como aceites pa tresformadores eléctricos