Ésitu del Conciertu pola Oficialidá

El Conciertu pola Oficialidá que tolos años entama la Xunta Pola Defensa de la Llingua Asturiana foi nesta edición un gran ésitu de públicu y d'organización, preparando l'ánimu con vistes al día de les lletres asturianes. Más de 2.000 persones pasaron a lo llargo de la nueche pela carpa instalada en Campus de Santuyano pa ver a grupos como Lliberdón o Dixebra nun conciertu en que los músicos qu'empleguen l'asturianu nes sos composiciones collaboraron desinteresadamente cola organización cívica que más años lleva defendiendo la presencia del asturianu na sociedá, que convoca pal vienres una manifestación que se fai a les 7 de la tarde dende la estación de la Renfe n'Uviéu hasta la puerta del Teatru Campoamor, onde l'Academia de la Llingua Asturiana celebra los actos oficiales del Día de les Lletres Asturianes