Ésitu de los cursos d'asturianu en Llangréu

Los cursos de Llingua Asturiana del Conceyu de Llangréu, que se desendolcaron con gran ésitu d´alumnos, finaron esta selmana. El próximu Xueves, na Casa la Cultura de Sama va facese, cola presencia del Conceyal Delegáu de Política Llingüística del Conceyu Llangréu Luis Bada. La entrega de diplomes d'estos cursos, que recibieron ayuda de la Conseyería de Cultura, Comunicación Social y Turismu. La organización de los cursos sorraya qu'estos algamaron un bultable ésitu en númberu d´alumnos, lo que dexa claro'l gran interés qu´hai nel Conceyu poles actividaes d'educación en Llingua Asturiana.

Los cursos,de sesenta hores caún, repartiéronse en trés niveles, Aniciu, Afondamientu y ún Monográficu sobre Llinguaxe Alministrativu, y diéronlos les profesores Mayte Duarte Llaneza y Maria Ángeles García Rodríguez y foron de 60 hores llectives caún. L'actu d'entrega de diplomes va rematar con una conferencia del escritor Pablo Rodríguez Medina, que va falar sobre les peculiaridaes de la Lliteratura Asturiana y les razones y implicaciones que trai'l fechu d´escribir en Llingua Asturiana.