Escláriase la llista del PP

A la fin la dipuada y ex-conceyala d'Uviéu Alicia Castro Masaveu va ser quien encabece la llista al Congresu del Partíu Popular n'Asturies. La diputada nacional y ex-conceyala d'Uviéu ye la persona que propón la dirección nacional del PP pa abrir la llista al Congresu por Asturies, en sustitución de Francisco Álvarez-Cascos, y nun se cuenta con que'l comité electoral, que tien d'aconceyar güi, faiga otro que dar de pasu la llista oficial na que la conceyala de Xixón Pilar Fernández Pardo, el vetranu dirixente popular Isidro Fernández Rozada y José Avelino Sánchez, alcalde de LLanera, ocupen los demás puestos. Castro Masaveu, que foi númberu 2 por Asturies nes elecciones del 2.000, cuerre asina un puestu p'alantre y pasa al primer llugar, pero pa llegar a esa conclusión la selmana de los populares asturianos foi muncho más revuelta de lo que pueda paecer pol resultáu, y ye que tanto Ovidio Sánchez, secretariu Xeneral de los populares, como la delegada del Gobiernu Mercedes Fernández, que paecía la heriede personal del retiráu Cascos, postularon al puestu. El primeru, que sonaba como repuestu de circunstancies a Cascos, nun pudo entrar a la llista por incompatibilidá estatutaria col cargu nel PP astur, mientres que la delegada del gobiernu xenera abonda rocea nuna de les agrupaciones más fuertes del PP, como ye la de Xixón.

La cásique segura candidata popular tien un currículum políticu llargu. Ñacía n'Avilés el 27 d'agostu de 1952 Alicia Castro, llicenciada en Derechu pola Universidá de Valladolid, llicenciada en Xemoloxía pola Universidá de Barcelona y pola Asociación Xemolóxica de Gran Bretaña, estrenóse en política nel 1982 como diputada na etapa preautonómica, y depués na primer llexislatura autonómica 1983-1987. Nel 1991, añu en qu'entamó la etapa de Gabino de Lorenzo na capital, entró al Ayuntamientu d'Uviéu onde ocupó la primer tenencia de Alcaldía y delles conceyalíes hasta 1999, cuando dexó la política municipal pa dedicase dafechu al Congresu.

Na última llexislatura en Congresu de los diputaos, en que tuvo 32 participaciones, Castro Masaveu opúnxose como Vocal del PP na Comisión de Educación, Cultura y Deporte, a la petición non de llei de crear la Llicenciatura en Filoloxía Asturiana que presentare IX el 20 de setiembre del 2.000. Esi mesmu añu tamién se manifestó en contra d'otra proposición d'IX d'un proyectu sobre renta mínima d'inserción social. Tamién tuvo en Tribunal de Cuentes del Congresu, énte'l que reconoció irregularidaes nes cuentes del Ayuntamientu d'Uviéu, anque negó dafechu que pudiere haber delitu enxertu nelles. Precísamente na so etapa nel Ayuntamientu d'Uviéu, nel encabezó la delegación que-y pidió a la UNESCO la declaración de la capital como patrimoniu de la humanidá, foi protagonista de dellos escándalos, como cuando se-y acusó de marchar de viaxe a Londres, con cargu al Ayuntamientu pa organizar una esposición de cases de muñeques, siendo ella amás dueña d'una tienda d'estos xuguetes. Otru tanto pasó al conocese que participaba en delles empreses inmobiliaries mientres ocupaba'l cargu de Conceyala d'Urbanismu.

Per otra parte, Izquierda Xunida - Blopue por Asturies yá tien pesllaes les candidatures que va presentar el 14 de marzu. La coalición,que cuenta con caltener el diputáu que tien anguaño, abre llista al congresu con Jesús Iglesias, secretariu xeneral d'IX. Segunda ye ladiputada en parllamentu asturianu Noemí Martín González y tres d'ella vienen Marcos Cienfuegos Márquez, Francisco Ramón Alvarez González, María Dolores Muñiz González, Enemérito Alvarez

Miranda, Marta Pulgar García y Esther Menéndez Diego. La candidatura al Senáu, onde nun hai orde de llista, cuenta con Roberto Colunga Fernández, Jaime Gareth Flores y Angela Vallina de la Noval.

El candidatu Jesús

Iglesias sorrayó lo mozo de la llista qu'encabeza y el calter paritariu de la mesma