Entrega de diplomes d'Enernalón

L'Axencia Local de la Enerxía del Nalón (Enernalón) entregó ayeri los diplomes a los trenta alumnos de la última promoción de cursos nes especialidaes d'instalador solar térmicu y d'enerxíes renovables, dos campos desatendíos pola formación profesional pero que tienen bona salida llaboral fuera d'Asturies y que ye de suponer qu'acaben teniéndola tamién dientro'l país si salir salen alantre les idegues de bien d'empreses que ven futuru al mercáu del renovable n'Asturies.


La entrega de diplomes vien a coincidir cola anuncia de la entrada d'Enernalón n'asociación d'axencies españoles de xestión de la enerxía EnerAgen, un ente acabante de presentase na feria Genera de Madrid tres d'un añu llargu de conversaciones pa echalu a andar.