Entrambasauguas llévanos pela costa de Tapia

Ta acabante de llegar a les nuestres manes el númberu 18 de la revista Entrambasauguas, qu'edita la secretaría llingüística pal Navia-Eo de l'Academia de la Llingua. Entrambasauguas, escrita dafechu na fala gallego-asturiana, trata nes sos 27 páxines prestosamente maquetaes asuntos culturales y d'actualidá d'interés pa los conceyos del Navia - Eo, enxertando nesti númberu artículos sobre los asturcones nel occidente astur, la implantación de l'asignatura de fala gallegoasturiana nos conceyos de la comarca, los cincuenta años del IES de Tapia o una suxerencia pa escursionistes, la travesía pela costa naviega, ente otros artículos y escritos. La revista, al preciu de 1'5 euros, pue mercase en dellos quioscos de los conceyos del Navia-Eo y tamién nes llibreríes más importantes del centru d'Asturies, lo mesmo que na tienda asturiana na rede, Asturshop.