Entama'l recuentu del votu emigrante

Güei entama'l recuentu del votu de los 18.000 votos de los emigrantes asturianos nel estranxeru. El votu emigrante, con ser cerca d'un 5% del censu, nun suel camudar el resultáu de la escoyeta al congresu, pero nesti casu los emigrantes podríen camudar el repartu de senadores por Asturies, en cuantes qu'en dellos casos, les diferiencies ente candidatos de PSOE y PP son mui curties. Un votu emigrante favorable al PSOE podría quitá-y l'acta de senador al candidatu del PP Javier Sopeña Velasco y da-ylu al socialista José Carlos Alvarez González, colo que'l resultáu d'empate técnicu nel congresu concueyaría col resultáu del senáu. La diferencia ye de menos de 5.000 votos.

Históricamente, el votu emigrante ye un votu tomáu pol PSOE, pero nes últimes convocatories notábase un pesu cada vegada mayor del votu al PP. Los atentaos del xueves y les últimes y alloriantes 72 hores de campaña nun pudieron afectar al votu emigrante como lo ficieron col votu residente, en cuantes que'l plazu pa echar el sobre col votu acabó'l vienres 12 y munchos emigrantes yá teníen echada la papeleta al corréu enantes del xueves. Con too y con ello, la decisión de la Xunta Electoral d'espurrir el plazu tope pal unviu del votu emigrante del día 10 al 12 polos retrasos del procesu dexó a munchos emigrantes a tiempu de decidir énte la polémica.