Entama la carrera electoral

La carrera pa les elecciones autonómiques y a conceyos del prósimu 25 de mayu yá ta lanzada cola apaición güei en Boletín Oficial del Principáu d'Asturies de les llistes completes de candidatures, que puen consultase dende esti enllace. (fai falta tener el programa Acrobat Reader pa velo)

En total, preséntense a la Xunta Xeneral del Principáu un total de 12 llistes pela circunscripción central, repitiendo peles ales 9 d'elles, mientres que per conceyos, namás 3 partíos, PSOE, PP y IX-Bloque por Asturies se presenten a les 78 alcaldíes en xuegu. La URAS de Sergio Marqués y Leonardo Verdín compite por 48 alcaldíes, mientres que'l Partíu Asturianista de Xuan Xosé Sánchez Vicente, qu'aspira a volver al parlamentu, preséntase a un total de 68 conceyos. Andecha Astur preséntase a 28 alcaldíes, a 8 Los Verdes, el PCPE a 6 y Izquierda Asturiana a 2. Deués vienen les candidatures independientes de conceyos, casu d'UICA en Carreño o Asturianistes por Nava.