Enernalón presenta proyectos

L'Axencia Local de la Enerxía Enernalón va presentar énte la UE un proyectu pa dar corriente a parte del Altu Nalón y especialmente a Brañagallones, nel Parque de Redes, al través de centrales eóliques y saltos d'agua de pequeñes dimensiones.

El proyectu quier da-yos corriente a les cabañes y al parador -que lleva más de diez años trancáu- de Brañagallones, onde'l tresporte de la corriente dende la llinia xeneral obliga a poner munchos palos. Xunta esto, l'Axencia quier que nos embalses de Tañes y Casu puedan metese lanches a motor que gasten biodiesel, y asina menguar los riesgos de contaminación que tienen trancaos estos embalses a usos d'ociu.

Enernalón ta metía estos meses nuna actividá frenético pa presentar proyectos colos qu'atropar financiación pa poder sobrevivir dempués de qu'acaben les ayudes de la UE coles que se financia, y dientro d'estos esfuerzos ta'l contratu que firmó cola Fundación de la Enerxía pa facer un seguimientou de la rede de gas n'Asturies.