ENCE anuncia una xuba del 600%

La empresa papelera ENCE, a la que pertenez la planta de Navia de l'antigua CEASA, rexistró nel primer trimestre d'esti añu un beneficiu de 6,65 millones d'euros, más del 600% que nel mesmu plazu exerciciu del 2.002. Anque la diferiencia de porcentaxes del beneficiu d'un añu pa otru pue paecer descomanada, lo cierto ye que'l preciu de la pasta de papel, principal negociu de la empresa participada por Caxastur, cambia muncho d'un añu pa otru, y pa esti añu yá ta dándose una xuba de más del 20% sobre lo que se pagaba l'añu pasáu, anque tamién otros años toca cotización a la baxa. Otramiente, la puesta en marcha de l'ampliación de delles fábriques, ente elles la de Navia, va permitir a la empresa facturar más qu'otros años y tamién menguar los costos d'esplotación. Por estayes d'empresa, la forestal, titular de les plantaciones d'ocalitos de la casa, aportó'l 44% de la facturación, y la fabricación de celulosa'l 56% restante.