En bicicleta per Asturies y El Bierzu

N'acabando la temporada de competiciones
ciclistes, les marches cicloturistes p'aficionaos garren un protagonismu
especial. Nesti mes de setiembre, xunta la yá clásica Marcha de
los Puertos Esmeralda que tolos años organicen en Nava, hai que saludar
l'apaición de la "Asturleonesa", una nueva marcha que va
axuntar los conceyos del suroccidente astur de Degaña y cangas del
Narcea colos conceyos del otru llau del cordal de Páramo del Sil,
palacios del Sil y L.laciana, al traviés d'un recorríu de
155 kilómetros qu'inclúi, inevitáblemente, xubir a
L.leitariegos y El Pueru'l Rañadoiru. la organización yá alvierte que, anque los puertos van xubise pela parte más fácil, el recorríu nun ye precísamente blandu, anque pa ofrecen tamién pa acompañantes y pa quien nun quiera escuernase en bicicleta una escursión andando hasta L.lagüeños.



Les inscripciones pa esta marcha, que va facese'l 21 de setiembre con salida a
les 9 dende Zarréu (Degaña) puen facese poniéndose en
contactu col club ciclista "El Rozón" de Degaña, que
dexa como contactos la dirección de corréu electrónicu
j.olegario@terra.es y los tlfs 636 61 80 35 y 637 54 89 30