Empresarios asturianos nel Brasil

Representantes de nueve empreses asturianes marchen güei pal Brasil dientro d'una misión comercial organizada pola Cámara de Comerciu de Xixón que s'enxerta nel Plan Cameral de Promoción de les Esportaciones. Les empreses que va a facer tratos al país americanu son Huarte Spain, Cohega S.A., Adaro Tecnología S.A., Asinter Hispanoamericana S.A., Shortes España S.A., Samoa Industrial S.A., Xonel Fernández S.L., Satures S.L. y Ricardo Madrigal S.L.



Na misión, que va durar hasta'l día 28, van visitar la Feria de Belo Horizonte (Estáu de Minas Gerais) entrevistándose con empreses del sector mineru, miembros de la Associaçâo Comercial de Minas Gerais (AC MINAS) y representantes de la Federaçâo das Industrias do Estado de Santa Catarina (FIESC) instituciones coles que la Cámara de Comerciu de Xixón yá firmare l'añu pasáu alcuerdos de collaboración. La balanza asturiana de comerciu con Brasil mueve pequeñes cantidaes, y amás mui descompensaes. Nel añu 2002 les empreses asturianes pesllaron 201 operaciones d'esportación col Brasil por valor de 29.904 euros, mientres que las importaciones dende aquel país foron de 130.005 euros.