Empieza la edición en llinia de la UABRA

|
PC en llinia

Tán en marcha les clases telemátiques de trés de los cursos ufiertaos esti añu.

La XI Universidá Asturiana de Branu (UABRA), la más diferente de toes, echó a andar güei cola participación de mediu centenar d'alumnes y alumnos. La situación pola pandemia de COVID-19 obligó a l'Academia de la Llingua Asturiana (ALLA) y a la Universidá d'Uviéu a reformular esta edición, apostando por un formatu en llinia en cuenta de les clases presenciales en Cangas del Narcea.

El ‘Cursu Elemental de Llingua Asturiana’ y el ‘Cursu Avanzáu de Llingua Asturiana’ allárguense per dos selmanes, un total de 50 hores llectives dedicaes a deprender asturianu. A ellos súmase, dientro de los d’Afondamientu Cultural y Llingüísticu, el de ‘Capacitación pa la traducción al asturianu’, nesti casu d'una selmana de llargor, con María Cristina Valdés, direutora de la UABRA, al frente, que va tener el sofitu d'Héctor García Gil, Xaime Martínez y Pablo Barrio.

Yá n'agostu, del 2 al 7, va ponese la segunda fase del ‘Curso de Gallego-asturiano’, nesti casu presencial, na Casa das Quintas da Caridá gracies al sofitu del Conceyo del Franco.

Contador Estadistiques