Emburrión al muséu de la mina en Cangas

El proyectu del Ayuntamientu de Cangas del Narcea de facer un muséu de la minería en Rengos ta acabante de recibir un emburrión importante cola cesión del tarrén onde se tien pensao poner l'equipamientu, una estensión de 12.1 hectaries no que yera l'antiguu Grupu Carmencita, de la empresa Antracitas de Rengos, que peslló en 1999. Xunta l'requipamientu cultural, el conveniu espeya la posibilidá de que nesti terrén puedan instalase proyectos que contribuyan a la creación d'emplegu y el que los vecinos puedan seguir usando les pistes y caleyes esistentes, asina como la restauración del suelu que nun s'emplegue nel muséu.



De lo que yera la esplotación d'Antracitas de Rengos queden anguaño un edificiu de dos pisos en que taben les oficines y despachos con cerca de 144 metros cuadraos, el botiquín y l'antigua cuadra d'animales de tiru, ello xunta les pistes qu'encadarmaben les plantes de la esplotación.