El XXIII Concursu de Cuentos pola Oficialidá del Asturianu ye pa Gayol

El mierense llevó'l gallardón lliterariu entamáu pol Conceyu de Bimenes con 'Dalgunes posibilidaes de la domótica'.

"Toi mui contentu, ye un premiu especial", aseguró José Ángel Gayol tres conocer que la so creación foi la escoyida pol xuráu del XXIII Concursu de Cuentos pola Oficialidá del Asturianu, formáu polos escritores Xulio Vixil, Héctor Pérez Iglesias y Francisco 'Paco' Álvarez, ganador na edición pasada con ‘Rosa d’iviernu'. El gallardón cuenta, un añu más, con una recompensa de 600 euros.

El segundu puestu, premiáu con 450 euros, foi pa 'Instintu' d'otra mierense, Laura Marcos, mentes que'l terceru, foi per segundu añu siguíu, pa Xuan Trenor. L'uveín presentó 'Xigomencia', col que lleva 300 euros.

Na semeya, Gayol na gala d'entrega de los Premios Lliterarios 2019, con Álvarez detrás.