El vienres fina'l plazu de matrícula pa los cursos d'asturianu d'Iniciativa

|
Tecláu ordenador

Son a distancia, de nivel básicu 1 y 2.

Iniciativa pol Asturianu entama una edición nueva de los cursos d'asturianu, con empiezu'l llunes viniente y final metanes abril. Tán empobinaos a persones ensin formación d’asturianu o con nivel baxu de conocencia y a aquelles con una conocencia más fonda del idioma o que yá fixeren dalgún cursu enantes, de manera respeutiva.

Cada alumnu va trabayar con una plataforma dixital, cola posibilidá d'organizase de manera autónoma y facer les actividaes nel horariu que meyor s'adaute al so día a día. En total son 36 hores de cursu y, de superalu, va recibir un acreitación de l'Academia de la Llingua Asturiana.

El vienres ye'l día últimu pa formalizar la matrícula, previu pagu de 60 euros, al traviés d'esti formulariu. Los socios d'Iniciativa pol Asturianu tienen un descuentu de 10 euros.

 

Contador Estadistiques