El Tribunal Superior da-y la razón a SUATEA nel tema de les plantiyes funcionales

Una sentencia del Tribunal Superior de Xusticia d'Asturies acabó col pleitu que dende va cuatro años tenía'l sindicatu de la enseñanza SUATEA cola conseyería d'Educación pola creación de la figura de les nomaes "plantiyes funcionales". La organización sindical punxere un recursu contenciosu-alministrativu nel añu 2.001 contra una Resolución la Conseyería que regulaba les plantiyes funcionales de personal docente non universitario y la cobertura de les places. La sentencia del TSXA entiende que la Resolución ye contraria a derechu y en consecuencia, nula.

En SUATEA recibieron la noticia con entusiasmu, anque los abogaos del sindicatu entovía tan estudiando'l posible alcance de lasentencia. Beatriz Quirós sorrayó'l calter de "precedente xurídicu" de la msma en cuantes que cuestiona dos conceptos creaos pola alministración asturiana y que'l sindicatu nunca nun aceptó, como yeren el de "plantiya funcional" y el de "profesor sobrante d'horariu". El segundu fai referencia a aquellos docentes que, con tener plaza fixa en propiedá, l'alministración entiende que nun precisa d'ellos nos centros que-yos correspuenden y permítese unvialos a otros centros a cubrir necesidaes puntuales, dacuando a muncha distancia del d'ellos. Suatea entiende que pa cubrir necesidaes n'otros centros D'otra manera, el conceptu de "plantiya funcional" refierse a la plantiya docente del centru quitándo-y los profesores fixos "que sobren" y amestándo-y la plantiya "flotante" d'interinos.