El Sporting fai puya de camisetes azules

Esti domingu contra l'Almería, el Sporting fizo los primeros 1.000 partíos xugaos en segunda división. Como l'Almería tamién gasta camiseta a rayes encarnaes, los asturianos teníen que llevar segunda equipación, pero como la camiseta del Almería tien más de blanco que d'encarnao, en cuenta de llevar la camiseta blanca, que ye la que suelen poner los xugadores del Xixón nestos casos, fizo falta encargar con muncha priesa una tercer camiseta. Asina, la casa que furne al Sporting de camisetes preparo-yos unes a rayes azul escuro y azul claro que nunca nun llevare l'equipu asturianu. Ello ye que les camisetes de marres llamaron-yos l'atención a bien d'aficionaos, que llamaron al equipu pa saber como podíen facese con una. Énte la cantidá de llamaes que recibieron, nel Sporting decidieron poneles a subasta na web del club pa que los aficionaos puyaren por elles, con un preciu pa entamar de 60 euros la pieza. La puya va tar abierta hasta'l día 21, y les perres que se saquen van dir pa financiar a la fundación del Sporting.