El Sporting fai furacu

El Sporting de Xixón remontó nel últimu cuartu d'hora contra las Palmas un partíu que val p'afitase na primer plaza y caltener una distancia cómoda sobre Levante y Numancia y un furacu de seguranza de diez puntos pa caltener plaza d'ascensu. Los canarios entamaron el partíu controlando'l xuegu, anque cola defensa trabada del Sporting nun foron a facer furacu na portería de Roberto. Los goles y el fútbol guapo llegaron nel segundu tiempu, y el primeru foi pa los de casa cuando Sesa cortó una entrada de Bilic entamando una xugada en que Momo quedó solu énte Roberto, valtándolu ensin mayor problema. Col marcador en contra, el Sporting salvó de que nun-y metieren el 2-0 nun corner, y esconsoñó definitivamente col gol d'Ismael a pase Rubén, qu'echó la pelota al puntu de penalty dende una posición esquinada que-y daba mal descuellu.. Diez minutos depués, y col tiempu escosando, Rubén dio otra asistencia, esta a Miguel, que foi'l pase de la muerte pal 2 a 1 definitivu.