El Sporting dase en casa

El Sporting entregó'l lideratu nuna mañana de domingu nel Molinón na que los asturianos xugaron ún de los peores partíos del añu, sobremanera na primer parte. Los de Marcelino recibíen al Levante, ún de los rivales más duros, con abondes baxes nel centru'l campu, y yá dende l'entamu viose que los de casa diben tenelo difícil pa ser a aguantar a un Levante que venía enfotáu en llevar los trés puntos. L'equipu visitante acorripió a los asturianos nel área, y consiguió llegar al descansu con un gol de penalti que desequilibrólo que yera un partíu axustáu de fuerces.

Nel segundu tiempu, el Sporting esconsoñó cola entrada de Rubén., pero'l menudu futbolista asturianu fallólo too, incluso un balón cola puerte vacia. D'otra manera, Marcelino fizo poco más o menos los mesmos cambeos que contra Las Palmas, pero esta vegada nun funcionó, anque Rubén y Bauzá diéron-y fuelgu enforma al equipu. Col Sporting metíu pela puerte de los visitantes, Rivera aprovechó una contra pa meter el segundu, y anque darréu'l Sporting metió'l de la vergüenza con David Bauzá, yá nun quedó tiempu pa más. La derrota aprieta, y muncho, la cabeza de la tabla, onde agora'l Sporting ye segundu,anque la plaza d'ascensu queda de momentu acutada gracies a un colchón de siete puntos sobre'l cuartu clasificáu.