El sortéu de Copa regala un duelu xixonés ente l'UC Ceares y el Sporting

L'Uviéu viaxa a Mallorca pa enfrentase al Andratx y el Llanera va recibir a la UD Logroñés na primer ronda del tornéu del KO.

Un caprichu de la fortuna, de la mano del ex roxiblancu Miguel de las Cuevas, encargáu de sacar la primer bola, crució al UC Ceares nel so debú na Copa col Sporting, un duelu inéditu en competición oficial. La eliminatoria va xugase la selmana del 1 d'avientu nuna eliminatoria única que se xugará previsiblemente n'El Molinón colos del barriu del sur de la villa como llocales al nun cumplir La Cruz colos requisitos pa enfrentase con un equipu de LaLiga.

L'otru equipu profesional del país, l'Uviéu, va tener como rival al Andratx, equipu qu'ocupa la tercera posición del grupu 3 de Segunda RFEF con 19 puntos, a 1 del líder, el Cerdanyola. Mentes, el Llanera, con opciones de xugar contra un Primera o un Segunda, finalmente va enfrentase a un Primera RFEF, el descendíu UD Logroñés, lo que-y va permitir xugar el partíu nel so campu depués de que l'añu pasáu tuviera que desplazase al Tartiere pa xugar col Celta.

Na imaxe, parte de los enfrentamientos de la primer ronda, ente ellos el Ciares-Sporting.