El PSC catalán abre un puerte a la reforma del estatutu asturianu

El PSC-PSOE de Pasquall Maragall, que ta preparando l'asaltu a la Generalitat de Catalunya, ta acabante d'arrampuñá-y al partíu que dirixe Rodríguez Zapatero un compromisu pa la reforma del estatutu d'autonomía catalán que tamién podría llevase a otres comunidaes, ente elles la nuestra. L'alcuerdu del PSOE, que tendrá de dar de pasu el comité federal d'esti 5 de setiembre, entitúlase "la visión socialista de la España de las autonomías" y diz que, dientro del respetu a la Constitución, apoyaranse aquelles reformes d'Estatutos que permitan un mayor y meyor desarrollu de l'autonomía . La nueva vía qu'abre'l partíu socialista forzáu pola presión catalana básase, según les declaraciones oficiales, n'afondar nel autogobiernu, cohesión y cooperación ente autonomíes, y el mesmu documentu diz que los puntos que defende "valen lo mesmo pa Cataluña que pal restu d'España".

Ello ye qu'esta propuesta, que pasa per un hipotéticu trunfu del PSOE nes xenerales del 2.004 yá ta espeyándose na Xunta Xeneral del Principáu, onde los grupos socialista y d'IU quieren dicen que quieren crear una comisión con vistes a analizar les posibilidaes de reforma del estatutu asturianu, que se tocó la última vez en 1.999.
De momentu, nun hai nada concreto, pero la intención ta ehí.