El prestige, la mayor catástrofe ecolóxica d'Europa

La Fundación Pedro Barrie de La Maza, entidá dependiente de la compañía eléctrica Unión Fenosa, ta acabante d'espublizar l'estudiu científicu más completu hasta agora sobre los efectos de la crisis del Prestige. Coordináu por Fernando González Laxe, ex-presidente de Galicia col PSOE, l'estudiu recueye nes sos cerca de 700 páxines les collaboraciones de 40 profesores de les tres universidaes gallegues en distintes especialidaes científiques.

L'estudiu pon-y fecha a la recuperación completa de los fondos marinos, pa la que da un plazu mínimu de 10 años, que ye lo que va tardar en recuperase'l bentos, el fondu onde viven los microorganismos que tan na base de la cadena alimentaria, taradando la recuperación de la normalidá biolóxica total hasta l'añu 2015.

Partiendo d'una proyección basada n'otros casos de marea prieto, l'estudiu pon una estimación de mortandá d'aves ente los 250.000 y 300.000 individuos, y anque la proyección diz que ye "optimista" esta cifra fai de la del Prestige la mayor catástrofe ornitolóxica na historia d'Europa y segunda del mundu, superada namás pola del Exxon Valdez en 1989. D'aquella recoyéronse 41.000 páxaros engalipotiaos, y la estimación de víctimes foi d'ente 300.000 y 645.000. Per especies, l'estudiu sorraya que los más de los páxaros muertos son álcidos y alcatraces, y que les especies que más peligren tres de la catástrofe son la gaviota tridáctila y l'arao, de los que diz que puen desaniciase de la costa gallega.

Sobre la industria pesquera, anque la marea negro nun entró a les ríes onde s'engorda'l muxónu, l'estudiu apunta'l dañu directu del galipote nos criaderos de la "semilla de muxón" nuevo cola que se llenen les batees.