El presidente escapa de la Xunta

El Conseyeru de Cultura Fernández Vallina y el Presidente asturianu Álvarez Areces acudieron esti martes 18 a la inauguración del IES de Llugones. Al actu inaugural asistió la pita de la Xunta Pola Defensa de la Llingua, l'animal qu'acompaña al presidente a bien d'actos públicos pa protestar pola política llingüística del Principáu, y tamién un garapiellu de profesores de la plataforma sindical que lleven tiempu faciendo campaña pol cambiu del tratamientu de la llingua asturiana nel currículum educativu del Principáu. Mientres Vallina atendió a los manifestantes, el Presidente quixo más aprovechar la puerte d'atrás p'acceder al centru educativu.