El peligru de tener a los rapacinos mal aprendíos

Bien de padres, madres, tíos, güelos y demás familia asturiana tienen la zuna de fala-yos a los rapacinos en castellanu en cuenta del asturianu que gasten normalmente. Creyendo falsamente que'l neñu va entendelos meyor, les persones mayores nun se decaten de qu'al gastar esti rexistru castellanu tan taragañando la tresmisión xeneracional del idioma nin de que, pa más aquello, tan incurriendo nun fedor léxicu gordu d'alma. El profesor Ramón d'Andrés esmenuza esta selmana na so sección "Bilordios Filolóxicos" los peligros y les característiques del modelu acastellanáu que s'impón n'Asturies pa falar colos rapacinos.